Top
馬浚偉回巢賀TVB金禧台慶 – very geng
fade
3490
post-template-default,single,single-post,postid-3490,single-format-standard,eltd-core-1.0,flow-ver-1.3,,eltd-smooth-page-transitions,ajax,eltd-blog-installed,page-template-blog-standard,eltd-header-standard,eltd-sticky-header-on-scroll-up,eltd-default-mobile-header,eltd-sticky-up-mobile-header,eltd-dropdown-default,eltd-dark-header,eltd-header-style-on-scroll,wpb-js-composer js-comp-ver-4.11.2.1,vc_responsive

馬浚偉回巢賀TVB金禧台慶

馬浚偉回巢賀TVB金禧台慶

明年TVB 踏入50周年,金禧生日當然要搞大佢啦!據知TVB正籌拍兩套重頭劇,作為賀壽之作。除有《溏心風暴》續集外,還有古裝經典劇《宮心計》系列新一輯《深宮計》。製作部總監梅小青更搵來合作無間的馬浚偉重返娘家孭飛,飾演唐朝皇帝。劇知馬仔今次接拍價錢拍得住內地劇,而且今次製作會接近電影製作模式,全用實景,36集劇更會拍足半年,絕對是TVB近年重本之作。…

 

《宮心計》09年播出時是台慶劇,收視和口碑同樣有好成績,不但令到四位主角陳豪、鄭嘉穎、佘詩曼和楊怡爆紅,連其他配角亦被受注意,平均收視有34點,結局更一度高達50點,難怪TVB賀金禧台慶也決定開拍該劇新一輯。

 

馬仔演皇帝並非首次,最早要數98年《鹿鼎記》中的「康熙」。

 

就消息電話聯絡小青姐,她直認不諱,「係搵咗馬仔返嚟幫手,我哋打算開《宮心計》嘅升級版,係一個全新故仔叫《深宮計》,同樣描寫唐朝,全劇有三生三旦,馬仔係其中一個男主角,佢會飾演皇帝。(係咪高價邀約?)一樣係升級價啦!佢O依家喺內地有一定巿場,個劇又要拍足半年咁耐。」

 

5月小青姐和丈夫劉家豪正式回歸TVB,無線前行政主席梁乃鵬設宴歡迎,馬仔(後排右一)亦有出席。

 

小青姐解釋跟馬仔特別有緣,「我喺TVB同佢合作最多,我同黎明、歐陽震華同陳豪都係合作咗四次,同佢合作咗五套,大家暫別TVB前仲一齊合作《當旺爸爸》。」當然最重要是馬仔肯用功又不計較,「佢每次都做足準備開工,知道《金牌冰人》要用扇,就自己練定先。同埋我今次度緊故仔時打畀佢,問佢有冇興趣?佢咩都無問就話好,真係做到『不要問,只要信』,佢好信任我。」

 

12年,小青姐和馬仔離開TVB前最後作品《當旺爸爸》,女主角是鍾嘉欣。

小青讚馬仔古裝造型煞食,這是他們另一套古裝作品《金牌冰人》,女主角是張可頤。

由於是新故事,小青姐不想重複《宮心計》人腳,「或者請佢哋客串吓。」

 

談到其他卡士,小青姐直言還未有定案,「呢套劇係我咁耐以來,最大嘅製作,我哋會以電影模式,就算喺廠都係用雙機拍攝,而且全部實景,所以製作時間會比較長,暫時36集會拍超過半年,內地同香港都有戲份要拍,所以演員度期係一個問題,但整個製作團隊會以TVB為中心。」

 

正忙於為自編自導自演舞台劇《偶然‧徐志摩》綵排的馬仔,對於4年後以升級價回巢,他就笑言,「係誠意價就真,雖然我同期本嚟有兩個內地劇同一個登台演出,酬勞未必可以抵銷到,但TVB係我娘家,只要適合時間同劇本都好想返去幫手。同埋小青姐今次畀咗個好正嘅角色我,唔再係一個好人,會亦正亦邪好有挑戰性。況且我老竇同埋好多fans見到我都投訴,叫我唔好掛住搵人仔同美金,返嚟香港拍吓劇,今次可以交到功課啦!」

 

馬仔正忙於為自編自導自演舞台劇《偶然‧徐志摩》綵排
Facebook Comments
very-geng
No Comments

Sorry, the comment form is closed at this time.

})(jQuery)